فلسفة الزمن - عاشق الحب والذكريات

&&&***فلسفة الزمن***&&&

......................

عشت بعد فراقها بحلم...من جديد اقابلها تانى

عشت اقول ان الزمن...هو السبب هو الانانى

هو اللى توه حلمنا...هو اللى غرب عمرنا

هو اللى ضيع مننا...اجمل سنينَا والأمانى

ايوه الزمن هو الانانى

كنت اقولو يازمن حكمك ظلمنا...كان ليه فراقنا وانت عارف اللى بينا

ليه بتعاندنا وليه كده تضيع غرامنا...هتلاقى مين دلوقتى تانى يحبوا غيرنا

انا عارف ان غرامى ليها بيحرجك

اصلك معايا بتكتشف معنى جديد للاشتياق

طب بس سيبنى اقابلها مره وافرجك

معنى حنينى ولهفتى معنى اللقا بعد الفراق

لو بس من تانى اتقابلنا

فجأه لقيتنى من جديد تانى معاها...وهى واقفه ويايا اهيه وقدام عنيه

وكأن الزمن كان مدبر لَى لقاها...وقاللى عيش بقى ووقف يتفرج عليا

ولقيت مافيش جوايا شوق او حب ليها

احساس غريب وكأن غيرها بين ايديا

مش دى اللى ضاع عمرى وانا مستنيها

طب اعمل ايه مش ناوى اشمت حد فيا

سألتها ازيك حبيبتى وعامله ايه...ولقيت جوابها ياريتنى جد ماسمعتهوش

عاشت خلاص مع حد غيرى وطايره بيه...سحبت سؤالى وياريتنى اصلا ماسألتهوش

وعرفت ان الحلم خلاص لازم انساه

وان اللى بينا مع الايام اتغرب وتاه

وعشان حقيقى ماعدش بينَا اى شىء

وقفنا نقول اى كلام..فى اى اتجاه

يعنى ايه؟؟؟

مركب حلمنا فى بحر الحياه غرق؟؟؟يعنى الزمن لو سابنا برضو هانفترق؟

طيب خلاص انا اللى اسف يازمن

وانت لا ظلمتنا ولا كنت يوم ابدا انانى

مارضتش حكمك وحقك انى ادفع التمن

وادينى مستنى اشوف..تأمر بايه تانى؟؟

؟؟؟؟؟؟؟؟؟؟؟
؟؟؟؟؟
؟؟